संत श्री जनार्दन स्वामी महाराज आरती

Sant Shree Janardhan Swami Maharaaj Aarti in marathi

आरती निष्काम यतीवर मौनगिरी मुनिंची।
पुञ म्हाळसा स्वामी जनार्दन त्यागी वृत्ती ज्यांची ॥धृ.॥

जन्मभूमी ज्या पुनीत वसती असे दहेगाव।
पवित्र केला परिसर ज्यांनी पाडूनि दिव्य प्रभाव॥१॥

बाळपणीं ज्या शिवनामाचे बाळकडू पाजिले।
माय म्हाळसा पाटील स्वकुळा कळसा चढविले॥२॥

अध्यात्माचा छंद जडतसे अंजनीसुत सेवा।
त्यागुनि गृह संसार शोधिती हरिहर प्रभु मेवा॥३॥

देह कष्टुनि खडतर तप उभे जळामाजी।
अपंग पद हे झाले ज्यांचे खन्त न सौख्य त्यजी॥४॥

नागाबाबा गोरखजती गुरु नागेश्वर मंदिरी।
दीक्षा दे संन्यासा साधक बनले मौनगिरी॥५॥

दिव्य पिनाकेश्वर सिध्देश्वर तुल्य जनेश्वर।
पारेश्वर श्री विश्वनाथ हे ह्रदयेश्वर ज्यांचे।
शर्वायेश्वर बांधी मंदिरा। काशिविश्वनाथ बांधी मंदिरा शिवालये हाती॥६॥

यज्ञ याग हे सदैव चाले अन्नदान दिना।
स्वधर्म सेवा वृत्ति सनातन कथि प्रभुचा महिमा॥७॥

काढुनि वसतिगृह गुरुकुल ते विनामुल्य सेवा।
भस्मांकित तनु कंतनाची कफनी मिळवी दुवा॥८॥

लीन प्रभाकर कर जोडितसे सद्गुरू नत् चरणी।
स्वामी जनार्दन मौनगिरी मुनि दैवत प्रिय भुवनी ॥९॥